माळशिरस तालुका अधिकारी प्रतिष्ठानतर्फे ‘स्नेह मेळावा व सन्मान सोहळा’ मंगळवारी संपन्न होणार
भूमीपुत्र न्यूज
माळशिरस तालुका अधिकारी प्रतिष्ठान संचलित, ‘ज्ञानसेतू अभ्यासिका व करिअर मार्गदर्शन केंद्र’ माळशिरस व अकलूज यांच्या संयुक्त विद्यमाने मंगळवार, दि. १० नोव्हेंबर २०२६ रोजी सायंकाळी ५ वाजता अक्षता मंगल कार्यालय, माळशिरस-अकलूज रोड (६१ फाटा, माळशिरस, ता. माळशिरस, जि. सोलापूर) येथे भव्य ‘स्नेह मेळावा व सन्मान सोहळा’ आयोजित करण्यात आला आहे.
या सोहळ्यात तालुक्यातील अधिकारी व कर्मचारी यांचा स्नेह मेळावा, नूतन अधिकारी/कर्मचारी तसेच उत्कृष्ट खेळाडू यांचा गुणगौरव व सत्कार सोहळा पार पडणार आहे. कार्यक्रमाचे अध्यक्षस्थानी रंजन कुमार शर्मा (IPS), विशेष पोलीस महानिरीक्षक, कोल्हापूर परिक्षेत्र, कोल्हापूर. मुख्य अतिथी संतोष पाटील (IAS), जिल्हाधिकारी तथा जिल्हा दंडाधिकारी, सातारा आणि अतुल कुलकर्णी (IPS), पोलीस अधीक्षक, सोलापूर ग्रामीण असणार आहेत कार्यक्रमास पोलीस व प्रशासकीय सेवेतील अनेक वरिष्ठ अधिकारी, न्यायाधीश आणि विविध विभागांचे उच्चपदस्थ अधिकारी प्रमुख पाहुणे म्हणून उपस्थित राहणार आहेत.
सन २०२६ मध्ये जपान येथे झालेल्या आशियाई क्रीडा स्पर्धेत नेमबाजी या खेळात वैयक्तिक १ कांस्यपदक व सांघिक २ रौप्यपदक पटकावणारे (वयाच्या २२ व्या वर्षी आतापर्यंत एकूण २५ आंतरराष्ट्रीय पदकांची कमाई करणारे) तसेच मुख्य क्रीडा कार्यकारी अधिकारी वर्ग-१ पदी निवड झालेले चि. रुद्रांश बाळासाहेब वाघमोडे-पाटील यांचा विशेष सन्मान सोहळ्यात केला जाणार आहे. या कार्यक्रमासाठी माळशिरस तालुका अधिकारी प्रतिष्ठानचे अध्यक्ष सोमनाथ कर्णवर-पाटील, उपाध्यक्ष अमरसिंह पाटील व मनिषा वाघमोडे-शंडे, सचिव सुनिल कर्चे तसेच सर्व पदाधिकारी व कर्मचारी यांनी या स्नेह मेळावा व सन्मान सोहळ्यास उपस्थित राहण्याचे नम्र आवाहन केले आहे.
